Արմավիրի  Ռ. Եղոյանի անվան N1 ավագ  դպրոցի  աշակերտները ևս անմասն  չմնացին  ցեղասպանության 99-րդ տարելիցին  նվիրված   միջոցառումներից:

Ապրիլի 23-ի առավոտյան  սկսված  մոմավառությունը  շարունակվեց  ողջ  օրվա  ընթացքում,  իսկ  օրվա  եզրափակումը  եղավ  պատմության  ուսուցչուհի` Ն.Վասիլյանի  «Դատապարտում ենք» միջոցառումը:Միջոցառման առաջին  մասը  Սալոնիկի  գաղտնի  ժողովն  էր,  իսկ  երկրորդ  մասում  հայկական  գավառների  պատմությունը`  ցեղասպանության  օրերին:

«Դլե յամանով»  սկսված  միջոցառումը  ավարտվեց  «Հայաստան» փառահեղ  երգով: Միջոցառման  մասնակիցները  1 րոպե  լռությամբ  հարգեցին 1.5միլիոն  անմեղ  զոհերի  հիշատակը:

Այդ  օրը   դասղեկի  ժամ էր Xհ2  դասարանում ` դասղեկ Էմ.  Բաբայան: Աշակերտները  ներկայացրին  1915թ. տեղի  ունեցած  իրադարձությունները, Արցախյան  պատերազմը,  Բաքվի և Սումգայիթի  ջարդերը,  Քեսաբյան  դեպքերը:

Ցուցադրվեցին  տեսանյութեր,  հատվածներ  հայ  ժողովրդի  կոտորածներից:  Միջոցառման  նպատակն էր աշխարհի  խղճին  ծանրացած  հայոց ցեղասպանության  դատապարտումը: