«Մայրենի լեզուն մի գանձ է, որին չի կարող փոխարինել աշխարհի ոչ մի հարստություն: Իր մայրենի լեզուն վատ իմացողը կես մարդ է, չիմացողը՝ թշվառ, ծառից ընկած մի տերև, որ տարվում է ամեն մի պատահական քամուց»: Ստ. Զորյան
ՅՈՒՆԵՍԿՕ-ի որոշմամբ 2000թ-ից փետրվարի 21-ը նշվում է որպես մայրենի լեզվի միջազգային օր:
Փետրվարի 21-ին տոնական տրամադրությունն էր թևածում Վանաձորի N17 ավագ դպրոցում:
Հայոց լեզվի և գրականության ուսուցչուհի Անուշ Սիմոնյանը 10-12-րդ դասարանի լավագույն աշակերտների մասնակցությամբ կազմակերպել էր «Մեր հավերժի բանալին մեր լեզուն է» խորագրով ցերեկույթ՝ նվիրված մայրենի լեզվի միջազգային օրվան: 
Միջոցառման նպատակն էր մի անգամ ևս արժևորել, սեր, հպարտություն ու հոգատարություն դրսևորել մայրենի լեզվի նկատմամբ: 
Իսկ 8-րդ դասարանում ուսուցչուհի Անահիտ Քոչարյանը կազմակերպել էր դասղեկական ժամ, նվիրված մայրենի լեզվի միջազգային օրվան: Դասը ողողված էր մայրելի լեզվին նվիրված նյութերով, ազգային երգ ու պարով: Աշակերտները կարդացին ասույթներ, բանաստեղծություններ, և պատասխանեցին ուսուցչի կողմից տրված հարցերին: