Երևանի Սիամանթոյի անվան դպրոցում փետրվարը հայտարարվել է որպես մայրենի լեզվի միամսյակ:Անցկացվեցին մայրենիի բաց դասեր կրտսեր և միջին դասարաններում, մայրենիի ուսուցիչները հանդես եկան մայրենին անաղարտ պահելու մասին իրենց զեկուցումներով, կազմակերպվեցին միջոցառումներ` լեցուն կոմիտասյան շարականներով ու ազգային երգ ու պարով: Ներկայացվեցին հայոց գրերի ստեղծման ու մաքառումի երկար ճանապարհը, այն դարեդար սերունդներին փոխանցելու անհրաժեշտությունը:
Դպրոցի յուրաքանչյուր աշակերտ վարակվեց հային բնորոշ հայրենասիրությամբ, երդվեց անաղարտ պահել մայրենին և, ինչպես մեծն Սիամանթոն կասեր. «Հայոց հողեն մինչև աստղերը հասնող ոսկիե սանդուխեն վեր բարձրանալ»...Դպրոցի տնօրեն Աննա Ստեփանյանը նշեց, որ հատկապես մեր ազգի համար մայրենիի տոն պետք է լինի յուրաքանչյուր օրն ու ժամը, կոչ արեց հավատարիմ մնալ նրան ու գերադասել այն աշխարհի բոլոր լեզուներից: