Սուրբ  Հարության տոնը մեծ շուքով, առանձնահատուկ երկյուղածությամբ նշվեց  ՀՀ Գեղարքունիքի մարզի Վարդենիսի N4  հիմնական դպրոցում: Պետք է նկատել, որ այդ օրվան հանդիսավորություն տալն արդեն ավանդույթ է դարձել  դպրոցի մանկավարժական և աշակերտական կոլեկտիվներում:

Ամեն դասարան իր դասղեկի անմիջական մասնակցությամբ Զատկի օրվան  նվիրված նախապատրաստվում է սիրով  ու պատրաստակամ. Մի տեսակ թաքուն մրցակցություն է ծավալվում, թե ով ավելի հոգևոր ուղղվածություն կտա տոնին:

  Դպրոցի ընդարձակ սրահում տեղավորված սեղանները ծանրաբեռնված են հատուկ զամբյուղներով, մատուցարաններով` զարդարված օրվա խորհրդին համապատասխան:Երաժշտության մեղմ հնչյունների ներքո ներս են  հրավիրվում առաջին դասարանցիները , որոնք երկրպագում են  օրվա հերոսին` Հիսուս Քրիստոսին ,նրա մասին հաղորդելով հետաքրքիր տեղեկություններ:Մանկան շուրթերից հնչող քաղցրահամ խոսքերը բարության ու սիրո մասին են; Նրանք երգում ու արտասանում են: Միջին դասարանների սովորողները հարուստ նյութեր էին հավաքել քրիստոնյա աշխարհում Զատիկի տոնի նախապատրաստության ու անցկացման վերաբերյալ:Նրանց հաղորդումներից հետո ելույթ ունեցան դպրոցի նախակրթարանի սաները; Նրանք Թամարա Դավթյանի ոգևորիչ հայացքի ներքո հնչեցրին իրենց թոթովանքները սրբազան օրվա մասին; Հիսուս Քրիստոսի հրաշափառ հարության տոնին իրենց մասնակցությունը բերեց դպրոցի <<Սասուն>> պարային համույթը,որի ցուցադրած ազգային պարերը` հերոսականությամբ թաթախված, խոսում էին հայ ոգու անընկճելիության մասին: Համադպրոցական միջոցառմանը մասնակցում էր և ելույթ ունեցավ Վարդենիսի քաղաքապետարանի  Աշխատանքի և սոցիալական  բաժնի պետ`Սուսաննա Բարսեղյանը, նա քաղաքապետի անունից շնորհավորեց բոլորին և մաղթեց նորանոր հաջողություններ դպրոցական կյանքում: Առանձնահատուկ ջերմությամբ իր երախտիքի խոսքն ուղղեց Վարդենիսի N 4 հիմնական դպրոցի տնօրեն`Անահիտ Սահակյանին: