ՀԱՅՏԱՐԱՐՈՒԹՅՈՒՆ

    «Դպրոց-կենտրոնների միություն» իրավաբանական անձանց միությունը հրավիրում է ՀՀ տարածքում գրանցված հանրակրթական դպրոցներին մասնակցելու փոքր դրամաշնորհների մրցույթին: Մրցույթի նպատակն է աջակցել  դպրոցների զարգացման ծրագրերի իրագործմանը, մանկավարժական նորարարությունների ներդրմանն ու տարածմանը, դպրոցների միջև համագործակցության ցանցի ընդլայնմանը: Դրամաշնորհային ծրագրերը պետք է  ուղղված լինեն`

• մանկավարժական թեմաներով գիտահետազոտական աշխատանքների իրականացմանը,
• հանրակրթական նպատակային ծրագրերի իրագործմանը,
• հոգեբանամանկավարժական հետազոտությունների ու գնահատումների իրականացմանը,
•  ներառական կրթության ինդեքսի ներդրման հետ կապված աշխատանքների կազմակերպմանը,
• բարեփոխումների ծրագրերին առնչվող  հետազոտությունների և  վերլուծությունների իրականացմանը,
•  կարճատև թեմատիկ վերապատրաստումների կազմակերպմանը,
•  դասապրոցեսում կիրառելու նպատակով ՏՀՏ ռեսուրսների շտեմարանի (էլեկտրոնային թեմատիկ պլաններ, դասի պլաններ, թեստեր, դասերի ներկայացում և այլն) ստեղծմանը,
•  դաստիարակչական աշխատանքների բարելավման ծրագրի իրականացմանը,
• կրթության որակի ներքին գնահատման համակարգի կատարե­լա­գոր­ծմանը,
• սովորողների գործնական հմտությունների զարգացմանն ուղղված ուսուցման ժամանակակից մեթոդների ներդրմանը,
• սովորողների մասնագիտական կողմնորոշման և հետագա կրթության համար անհրաժեշտ նախադրյալների ձևավորմանը,
• աշակերտական ինքնակառավարման մարմինների գործունեության կազմակերպմանը,
• սովորողների անվտանգության և առողջության պահպանմանն ուղղված գործունեությանը,
• դպրոց-ծնող-համայնք կապերի ամրապնդմանը նպաստող ծրագրերի իրականացմանը,
• մասնագիտական փոխօգնության կազմակերպմանը, լավագույն մանկավարժական փորձի տարածմանը,
• դպրոցի զարգացման ծրագրից բխող այլ ծրագրերի ներդրմանը:

     Դրամաշնորհների առավելագույն չափը 1.000.000 ՀՀ դրամ է: Դրամաշնորհային ծրագրի վերաբերյալ մանրամասն տեղեկություններն  ու  ծրագիր-առաջարկի /հայտի/ ձևը կարող եք ներբեռնել` www.ewb.am կամ  www.cfep.am կայք էջերից:

     Դրամաշնորհային ծրագիր առաջարկները ընդունվում են մինչև 2014թ. մարտի 20-ը ներառյալ`  աշխատանքային օրերին ժամը 900-ից մինչև 1800   հետևյալ հասցեով` Տիգրան Մեծի 3 նրբ. 17 տ.:

   Հարցերի դեպքում զանգահարել «Դպրոց-կենտրոնների միություն» ԻԱՄ-ի գրասենյակ հետևյալ հեռախոսահամարով` /010/553004/ կամ գրել հետևյալ էլ.հասցեով` usc.union@yahoo.com: