2014թ. ապրիլի 30-ին  Երևանի Ջ. Կիրակոսյանի անվ. հ. 20 հիմնական  դպրոցում տեղի ունեցավ  «Դպրոց-կենտրոնների միություն»  իրավաբանական անձանց միության կողմից կազմակերպված տեղեկատվական սեմինար՝ նվիրված դրամաշնորհների իրականացման և գնումների գործընթացի կազմակերպմանը: Սեմինարին մասնակցում էին 2014թ.-ի Դպրոց-կենտրոնների միությանը ծրագիր-առաջարկ ներկայացրած և դրամաշնորհային  մրցույթի արդյունքում հաղթող ճանաչված 17 դպրոցների ներկայացուցիչներ(տնօրեններ, հաշվապահներ): Սեմինարի ընթացքում ողջույնի խոսքով հանդես եկան ԴԿՄ ԻԱՄ նախագահ, ԱԺ պատգամավոր Ռուզաննա Մուրադյանը, ԿԾԿ  Ծրագրերի Իրականացման Կենտրոնի տնօրեն Հասմիկ Ղազարյանը և ՀՀ ԿԳՆ Հանրակրթության վարչության պետ Նարինե Հովհաննիսյանը: Խորհրդատվական ելույթներով հանդես եկան նաև ԴԿՄ ԻԱՄ տնօրեն Լիլիթ Անտոնյանը, հաշվապահ Կարինե  Հարությունյանը, ԿԾԿ ԾԻԳ-ի ուսուցիչների մասնագիտական զարգացման և վերապատրաստման ենթածրագրի մասնագետներ Արմեն Մարտիրոսյանը և Սոնա Մարտիրոսյանը, գնումների մասնագետ Վարդան Պողոսյանը:

Սեմինարի ընթացքում կնքվեցին պայմանագրեր դրամաշնորհային մրցույթի արդյունքում հաղթող ճանաչված 17 դպրոցների տնօրենների հետ, և տրամադրվեց խորհրդատվություն դրամաշնորհային ծրագրերն արդյունավետ իրականացնելու համար: